منتديات ندوشه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


كل جديد فى منتديات ندوشه تعارف وصداقه موضوعات متنوعه هادفه مساحه اعلانيه مجانيه منوعات تصميمات رائعه كل هذا واكثر فقط على منتديات ندوشه
 
الرئيسيةاليوميةس .و .جبحـثالأعضاءالمجموعاتالتسجيلدخول

 

 تجربتي مع الديرما رولر بعد استخدام شهرين

اذهب الى الأسفل 
كاتب الموضوعرسالة
ندوشه
المديره العامه
المديره العامه
ندوشه


المساهمات : 18
تاريخ التسجيل : 02/12/2020
العمر : 25
الموقع : قناة Nada Family على اليوتيوب

تجربتي مع الديرما رولر بعد استخدام شهرين Empty
مُساهمةموضوع: تجربتي مع الديرما رولر بعد استخدام شهرين   تجربتي مع الديرما رولر بعد استخدام شهرين I_icon_minitimeالثلاثاء ديسمبر 08, 2020 5:15 pm

ال derma roller تعتبر تقنيه من إحدي تقنيات الميزوثرابي وتستخدم كثيرا في عيادات التجميل ويمكن أيضا استخدامها في المنزل وهذا سوف نتناوله في موضوعنا:

ناس كتير بتسال ايه هي الديرما رولر و بتعمل ايه ونتيجتها ايه وتناسب بشره ايه واستخدمها ازاي وامته مستخدمهاش وهكذا في اسئله كتير وده اللي هنعرفه مع بعض دلوقتي :

اول حاجه الديرما رولر عباره عن اداه صغيره وبها سنون رقيقه بنمررها علي الوجه أو الجسم أو الشعر ولكن يفضل الشعر في عيادات التجميل ولكن انتي تقدري تستخدميها للبشره والجسم في المنزل 
الديرما بتساعد علي تحفيز الكولاجين وده اللي بيعيد نضاره بشرتك ويقلل التجاعيد والمسام وتفتيح البشره وتقلل كمان الخطوط التعبيرية واثار وبقع حب الشباب والندبات وده بمساعده السيرم اللي هنستعمله اثناء الجلسه لكي نحصل علي النتيجه المطلوبه بشكل أسرع وكمان بتقلل من الاسترتش ماركس في الجسم واثار العمليات
 
طيب أمته استخدمها واستخدم مقاس ايه يناسب بشرتي مبدأيا كده هي يتناسب كل انواع البشره ماعدا لو بشرتك في حب الشباب مينفعش تستخدميها الا لما تعالجي الحبوب الاول لان ذلك هيساعد علي انتشار الحبوب لكن لو عندك اثار حب الشباب هي هتكون مناسبه جدا وهتقلل من آثار البقع والندبات 
طبعا هي مقاسات من اول 0,25 و ده مناسب لتحت العين لتقليل الهالات السوداء 
و مقاس 0,5 و 0,75 لو مفيش مشاكل في بشرتك وعايزه بس نضاره أو لو في مسامات واسعه بسيط وعايزه تعالجيها 
ومقاس 1 مناسب لو في آثار وبقع حب الشباب وندبات  بسيطه وده أقصي مقاس ممكن نستخدمه علي بشرتنا في المنزل ويفيدنا في طبعا مقاس 1,5 ومقاس2 ده لو في مشاكل كبيره في بشرتك ولكن لايفضل استخدامهم في المنزل ويفضل الذهاب للعيادات التجميليه


طريقه استخدامها بقي ازاي : تابعوا معايا 
احنا اول حاجه لازم ننظف بشرتنا بالغسول المناسب ونجففها بالمناديل الورقيه ونجهزها للجلسه.


بعد ما جهزنا بشرتنا هنضع عليها كريم مخدر موضعي (بريدوكايين) لمده نص ساعه مثلا او ساعه الا ربع وفي نفس الوقت هنعقم الديرما بكحول اسبراي وطبعا بنعقمها قبل وبعد الاستخدام ونسيبها تجف قبل ما نستخدمها 
بعد مرور النص ساعه هنبتدي بقي نشيل الكريم المخدر بمايه ورد ومنديل من الجزء اللي هنمرر عليه الديرما 
هنمرر الديرما بالطول 10 عدات وبالعرض 10عدات يعني علي رمز + ونمررها علي نفس الجزء بردو 10عدات و10 عدات علي شكل × ونكرر نفس الخطوات دي في كل جزء من الوجه وممكن اثناء الجلسه تستخدمي كولاجين أو سيرم تفتيح او ممكن بعد ما تخلصي الجلسه ونرطب البشره بكريم الترطيب ولو وجدتي التهاباب ممكن تستخدمي فيوسيدين  وطبعا منغسلش الوجه بعد انتهاء الجلسه لحد تاني يوم مبتدئ نتعامل عادي ونحط كريم الترطيب باستمرار ومنتعرضش للشمس خالص الا بعد يوم من الجلسه ولو عندك سيرم فيتامين سي كويس جدا بس بردو تستخدميه بعد يوم او يومين من الجلسه  ولكن لو بشرتك حساسه متسخدمهوش 
طبعا عايزه اقول للبنات اللي خايفه تجربها ومعتقدين إنها مؤلمه هي مفيهاش ألم خالص عن تجربه وكمان بتكوني حاطه كريم تخدير فمتقلقيش منها خالص وبردو متقلقيش لو في دم بسيط ده عادي جدا وده يدل انك عملتي الجلسه كويس وبنجاح بس اهم حاجه واظبي علي كريم الترطيب ولو سيرم تفتيح كل يوم بليل وهتلاحظي النتيجه بعد تاني جلسه 
طبعا في انواع ديرما كتير بس افضل نوع اللي هو التيتانيوم هتلاقوني منزلهالكوا في الفيديو وده اللينك بتاعه فيه كل الخطوات والشرح بالتفصيل فى الفيديو ده

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو https://nadoosha.ahlamontada.com
 
تجربتي مع الديرما رولر بعد استخدام شهرين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ندوشه :: قسم التجميل والموضه :: منتدى التجميل والميك اب-
انتقل الى: